«АПК аталанăвĕ» наци проекчĕпе килĕшÿллĕн килти хуçалăха аталантарма кредит илесси малалла пырать. Кăçалхи январь-июнь уйăхĕсенче 79 çын 10955 пин тенкĕ укçа кивçен илнĕ. Çав шутран перекет банкĕ урлă 38 çынна 5025 пин, «Россельхозбанкран» 40 çынна – 5895 пин, «Согласие» кооператив урлă 1 çынна 35 пин тенкĕлĕх кредит панă.

Наци проекчĕ ĕçе кĕнĕренпе 1644 çын 216 миллион та 659 тенкĕлĕх кредит илнĕ. Урăхла каласан, районти килти хушма хуçалăхсен 18,4 проценчĕ çăмăллăхпа усă курнă.