Нумаях пулмасть райадминистрацин ĕçсен управлени начальникĕ Владимир Казаков тата Элĕк районĕнчи социаллă хÿтлĕх пайĕн начальникĕ Галина Григорьева Чартак ялĕнчи Иван Евграфович Евграфов патĕнче пулчĕç. Вĕсем ветерана “Беларусь Республикине фашистла нимĕç захватчикĕсенчен ирĕке кăларнăранпа 65 çул” медаль парса чысларĕç тата ăшшăн саламларĕç, ырлăх-сывлăх сунчĕç. Иван Евграфович хăйне медальпе чысланăшăн тав турĕ.

Çакна каламалла, юбилей медальне Беларусь Республикин Президенчĕ А.Лукашенко 2008 çулхи декабрьте кăларнă указĕпе çирĕплетнĕ. Йĕрки тăрăх унпа Белоруссие иккĕмĕш тĕнче вăрçи вăхăтнче фашизмран ирĕке кăларма хутшăннă Беларусь тата ют-çĕршывсен гражданĕсене наградăлаççĕ.