Çулталăк пуçланнăранпа харпăр хăй хуçалăхне аталантарма пирĕн районта пурăнакан 99 çын 13305 пин тенкĕлĕх кредит илнĕ. Раççей перекет банкĕ 51 кредитпа тивĕçтернĕ (6650 пин тенкĕлĕх), “Раççей ял хуçалăх банкĕн” уйрăмĕ - 47 кредитпа (6620 пин тенкĕлĕх), “Килĕшÿ” банкран 1 кредит илнĕ (35 пин тенкĕлĕх).

Ял çыннисене кредитпа пулăшассипе çак ял тăрăхĕсем çаврăнăçуллă ĕçлеççĕ: Элĕк - 5109 пин тенкĕлĕх 29 кредит, Тавăт - 1662 пин тенкĕлĕх 13  кредит, Крымсарайккă - 845 пин тенкĕлĕх 10 кредит, Ехремкасси - 685 пин тенкĕлĕх 10 кредит.

Наци проектне пурнăçлама пуçăннăранпа пĕтĕмпе 219 миллион та 9 пин тенкĕлĕх 1664 кредит илнĕ.

Çакă мĕн пур хушма хуçалăхсен 18,7 проценчĕ пулать.