Районти ялсен тирпей-илем кĕртессипе тата симĕслентерессипе смотр-конкурс иртнĕ. Унта ял тăрăхĕсем нумай материал тăратнă. Чылайччен сÿтсе явнă хыççăн комисси пĕрремĕш вырăна Элĕк ял тăрăхне пама йышăннă. Иккĕмĕш вырăнта – Юнтапа, виççĕмĕшĕнче Питĕшкассипе Тени ял тăрăхĕсем.

Харпăр килĕсен тупăшĕвĕнче пĕрремĕшпе виççĕмĕш вырăнсене никама та паман. Иккĕмĕш вырăна Кĕçĕн Тăванти (Тавăт ял тăрăхĕ) Галинăпа Василий Афанасьевсем йышăннă.

Районти ялсем çулсерен тасалса илемленсе пыраççĕ, урамсем симĕсленеççĕ. Кăçал, акă, Элĕк салинчи А.Г.Николаев ячĕллĕ кану паркĕнче хитре чечексем нумай лартнă: агератум, пиретрум, бархатсем, петунисем, астрăсем, сальвисем, георгинсемпе шăнкăрав курăкĕсем.