Ял пуçлăхĕсем канашланă
Район администрацийĕн актсен залĕнче ял пуçлăхĕсен черетлĕ канашлăвĕ иртнĕ. Малтанах ĕçпе тивĕçтерекен центрăн Вăрнар - Элĕк районĕсенчи уйрăмĕн директорĕн çумĕ Алина Петрова ку таранчченхи ĕç-хĕлпе паллаштарнă, малашнехи тĕллевсем çинчен каласа панă. Кăçал асăннă центр 327 çынна ĕçе вырнаçтарнă, вĕсенчен 31-шĕ стажировка йĕркипе ĕçлет. Общество ĕçĕсене пурнăçлакансем валли 4 миллион та 247 пин тенкĕ ытларах уйăрнă, çавăнтан 83 процентне тăкакланă.
Райадминистрацин финанс пайĕн пуçлăхĕ Валентина Ефремова кăçалхи 8 уйăхра бюджет укçи-тенкипе еплерех усă курни çинчен каласа панă.
Канашлура налук тата культура ыйтăвне хускатнă. Ял тăрăхĕсен пуçлăхĕсем хĕле хатĕрленсе мĕнле ĕçсем туса ирттернине пĕлтернĕ.