Урамсенче тасалăх кирлĕ
Район администрацийĕ çумĕнчи административлă комиссин черетлĕ ларăвĕ Мартынкассиннчи культура çуртĕнче иртрĕ. Район пуçлăхĕн пĕрремĕш çумĕ, комисси председателĕ А.Павлова пухăннисене кил умĕсене, урамсене таса тытмалли пирки каларĕ. Хăш-пĕрисем çÿп-çапа урама кăларса тăкаççĕ. Теприсем тата тислĕке те анкартине илсе тухмаççĕ. «Тирпейлĕхпе тасалăх çине пурин те тимлĕх уйăрмалла: ют çĕртен килсе пулăшу парасса кĕтсе лармалла мар», - терĕ Альбина Порфирьевна.
Мартынкассинче пурăнакансем урамра асфальт çул кирлине пĕлтерчĕç. Район пуçлăхĕн пĕрремĕш çумĕ ку ыйтупа ĕçленине, анчах паян е ыранах ялта такăр çул тума май çуккине ăнлантарса пачĕ. Ларура тавлашуллă ыйтусем те сиксе тухрĕç. Вĕсем çине хуравĕ те пулчĕ.