Ачасем çураласси ÿснĕ
Район администрацийĕн ЗАГС пайĕ пĕлтĕрхи кăтартусене пĕтĕмлетрĕ. 2009 çулта Элĕк районĕнче пурĕ 225 пепке кун çути курнă. Çакă унчченхи çулхинчен 41 ача ытларах пулнине палăртать. Çуралакансенчен 118-шĕ – хĕрачасем, 107-шĕ – арçын ачасем.
Пĕрремĕш шăпăрлан 89 çемьере çут тĕнчене килнĕ, иккĕмĕш – 74 çемьере, виççĕмĕш – 36 çемьере.
Иртнĕ çул пурĕ 347 çын леш тĕнчене ăсаннă: 188 арçынпа 159 хĕрарăм. Хĕрарăмсен вăтам пурăнаслăхĕ 76 çул, арçынсен – 62 çул.
Çак тапхăрта 97 мăшăрлану регистрациленĕ, вĕсенчен 88-шĕ – хаваслă лару-тăрура. Пуринчен те ытларах 18-24 çулхи хĕрсемпе каччăсем çырăнни паллă.
Хут уйăрттаракансемсĕр те мар паллах. Вĕсен шутĕнче 46 мăшăр.