Сăваплă вырăна тасатнă
Пирĕн халăхăн ырă йăла пур - çăва тухсан тата уявсем умĕн масарсене тасатса тирпей-илем кĕртмелле. Акă, Христос тĕнне ĕненекенсен çутă та аслă уявĕ – Таса Троица (Таса Виçпĕрлĕх - Çимĕк) çывхарса килет. Кăçал вăл çу уйăхĕн (майăн) 20-мĕшĕнче пулать.
Ехремкасси ял тăрăхĕнче пурĕ 9 çăва шутланать. Вутланпа Татмăшра пурăнакансем тата Ехремкасси ял тăрăхĕн специалисчĕсем Е.Семеновăпа Е.Леонтьева Вутлан ялĕнчи масар çинче икĕ кун тирпей-илем ĕçĕсене ирттернĕ. Нимене 40 ытла çын хутшăннă. Пурнăçланă ĕçсен калăпăшĕ пĕртте сахал мар: çăва йĕри-таврашне çуп-çапран тасатнă, тасамарлăха çунтарса пĕтернĕ, территорие ытлашши курăкпа хунавсенчен тирпейленĕ.