Раççей Вĕрентÿ академийĕн вĕрентÿ институчĕ пуçарнипе пирĕн çĕршывра кашни çулах вăйăсен «Ылтăн çăхма» конкурсне йĕркелеççĕ. Кăçал вăл нарăсăн 12-15-мĕшĕсенче «Литература паттăрĕсем» темăпа иртнĕ. Тĕп тĕллевĕ – шкулсенче вĕрентĕвĕн çĕнĕ меслечĕсене ĕçе кĕртесси.  Конкурс заданийĕсене нарăсăн 12-мĕшĕнче киле парса янă та вĕсене мĕнле пурнăçланине тепĕр виçĕ кунран – нарăсăн 15-мĕшĕнче шкулта тĕрĕсленĕ.

«Ылтăн çăмхана» хутшăнакансен тĕрлĕрен 60 ыйтăва хуравлама тивнĕ. Паллах, пĕри те çăмăл мар. Черетлĕ вăййа районти шкулсенчен 211 вĕренекен хутшăннă. Чи пысăк йыш – Мăн Вылă шкулĕнчен. Тĕнче шайĕн конкурсĕнче вара Элĕк шкулĕнчи 7-мĕш класра вĕренкен Ангелина Романова çĕнтернĕ. Вăл палăртнă 200 балран 183 балл (99,7 процент) пухма пултарнă. Ангелинăна çак конкурсра хутшăнма аслă категориллĕ вĕрентенкен Людмила Петрикова пулăшнă.