Ку чухнехи пахалăхлă техника пысăк тухăçлă ял хуçалăх продукцийĕ туса илме май парать. Кăçалхи пилĕк уйăхра районĕпе 11,4 миллион тенкĕлĕх техника туяннă, çав шутран 3 единица-инвестици кредичĕсемпе (2,1 миллион тенкĕлĕх), 9,3 миллион тенкĕлĕх 13 единица-харпăр-хăй шучĕпе.

“Новый путь” хуçалăх хăйĕн автопаркне 4,6 миллион тенкĕлĕх çĕнетнĕ. Кунта 2375 пин тенкĕпе выльăх апачĕ пухса кĕртмелли КСК-600 комбайн, 730 пин тенкĕпе “Беларусь-1025” трактор туяннă. “Звезда” ял хуçалăх кооперативĕ “Беларусь-52” трактор туяннă. В.Узянов фермер МТЗ-1221 трактор илнĕ. С.Волков хресчен-фермер  хуçалăхĕ 2,6 миллион тенкĕлĕх техника туяннă, çав шутран 1350 пин тенкĕпе çĕр улми лартмалли “Гримме” комбайн.