2006 – 2010 çулсенче пирĕн районти 1930 çын харпăр хăй хуçалăхне аталантармалли çăмăллатнă кредитпа усă курнă. Пĕтĕмĕшле сумма – 248 миллион та 687 пин тенкĕ. Пĕтĕмпе çакăн пек кредита хушма хуçалăхсен 21,6 проценчĕ илнĕ. Тĕпрен илсен, ку укçапа техника, строительство материалĕсем туянаççĕ, выльăх-чĕрлĕх витисене юсаса çĕнетеççĕ, ытти тĕллевсемпе те усă кураççĕ.

Çăмăллатнă кредитсене Элĕк ял тăрăхĕнче пурăнакансем нумайрах илме пуçланă (37, 4 процент), Крымсарайкка ял тăрăхĕнче – 27,7, Тени ял тăрăхĕнче – 25,6, Мăн Вылă ял тăрăхĕнче 22,1 процент.

Кăçалхи çур çулта патшалăх пулăшăвĕпе 134 çын усă курма ĕлкĕрнĕ, кивçен илнĕ укçа 17 миллион та 69 пин тенкĕпе танлашать.