Элĕк районĕнчи вĕрентекенсем ачасене пĕтĕмĕшле пĕлÿ парассишĕн чунтан тăрăшса ĕçлеççĕ. 2010-2011 вĕренÿ çулĕнче 13 шкулта 2348 ача пĕлÿ илĕ. 186 шăпăрлан пĕрремĕш хут парта хушшине ларĕ.

Июлĕн 27-мĕшĕнчен пуçласа 30-мĕшĕччен районта шкулсем вĕренÿ çулне еплерех хатĕрленнине тĕрĕслерĕç. Роспотребнадзор управленийĕ 13 шкула, 3 садика тата хушма пĕлÿ паракан 2 учреждение приемка актне алă пусса пачĕ. Ача-пăча искусство шкулĕн вĕрентÿ класĕсенче юсав ĕçĕсене вĕçленĕ.

Шĕмшеш шкулĕнче пушар гидранчĕсене вырнаçтарас ĕçе хальтерех пĕтермелле тесе йышăннă. Пур шкулта та юсав ĕç туса ирттернĕ. Медицина кабинечĕсене çĕнетнĕ.