Шкул федераци программине пурнăçлать
Аслă вĕренÿ заведенийĕсенчен вĕренсе тухнисене шкулсенче ĕçлеттерес тĕллевпе РФ Правительстви кашни çамрăк специалиста 500 пин тенкĕлĕх субсиди уйăрса пама палăртнă. Патшалăхăн çак пулăшăвне 2009-2010 çулсенче аслă шкул пĕтернисем илме пултараççĕ.
Чăваш Республикинче тин кăна ĕçе пуçăннă 10 вĕрентекене хавхалантарма пăхнă. Вĕсенчен пĕри – пирĕн районтан. Ку вăл – Юнтапа шкулĕнчи акăлчан чĕлхине вĕрентекен Анатасия Столярова. Вăл кăçал И.Я.Яковлев ячĕллĕ Чăваш патшалăх педагогика университетĕнчен вĕренсе тухнă. Хальхи вăхăтра акăлчан урокĕсене 5,7,8 тата 9 классенче ирттерет.
Чÿк уйăхĕнче шкулсемпе килĕшÿ тунă кашни çамрăк специалиста 250 пин тенкĕ уйăрса параççĕ. Ытти пайĕ 2011 çул вĕçĕнче пулать.