Элĕк «Кулибинĕсем» - республикăри конкурсра
Чăваш Республикинче пĕрремĕш хут хăй тĕллĕн çÿрекен техника ăсталакансен «21-мĕш ĕмĕр Кулибинĕ» конкурс иртнĕ. Ăна Раççей машиностроителĕсен союзĕ йĕркеленипе «Трактор завочĕ» концерн пуçарнипе тата ЧР Ял хуçалăх, экономика аталанăвĕн, промышленноçпа суту-илÿ министерствисем пулăшнипе ирттернĕ.
Конкурсра Элĕксем те – Валерий Терентьев, Иван Семенов, Анатолий Корнилов хăйсем маçтăрланă техникăна кăтартнă. Сурăмпуç Мучикассинчи В.Терентьев «трактор техники» номинацире виççĕмĕш вырăн йышăнса 10000 тенкĕлĕх премие тивĕçнĕ. Вăл конкурсра ВАЗ-2105 двигателĕпе усă курса хатĕрленĕ трактор, кăкармалли çурма прицеп, 3 корпуслă плуг, бульдозер кĕреçине тăратнă.