Çуртсем çĕкленеççĕ
2010 çулта кивĕ те авариллĕ çуртсенчен граждансене урăх çĕре куçарас программăпа килĕшÿллĕн ятарлă фондран района сахал мар укçа-тенкĕ уйăрса панă.
2008 çултан пуçласа Элĕк салинче тĕллевлĕ программăпа нумай хваттерлĕ çуртсем çĕкленеççĕ.
Паянхи куна илес пулсан райцентрти Октябрьски урамĕнчи 9-мĕш çуртри пÿлĕмсене пÿлес ĕçсем пыраççĕ. Виççĕмĕш хутра плитасене хурассипе тимлеççĕ.
Советски урамĕнчи 18-мĕш çуртра та строительство ĕçĕсем анлă сарăлнă. Кунта иккĕмĕш хута купаласа хăпартассипе ĕçлеççĕ. Пĕрремĕш хутри стенасене якатас ĕçсем те кал-кал пыраççĕ.
"Пурнăç çулĕпе" Аликовская районная газета