Элĕкри И.Я.Яковлев ячĕллĕ шкулта республика шайĕнчи «Краеведческий аспект в преподавании георграфии» географи вĕрентекенĕсен методика семинарĕ иртрĕ. Унта хутшăнакансем валли шкулта «Движение юных геологов Чувашии 2007-2010 гг.», «Из опыта работы учителей Сергеевой В.Н., Дмитриевой В.В., Семеновой О.Г.» ятлă курав йĕркеленĕ. Вĕрентÿ управленийĕн начальникĕ Э.В.Николаев семинара хутшăнакан вĕрентекенсене ăнăçу сунчĕ, Элĕкри пĕтĕмĕшле пĕлÿ паракан шкул директорĕ В.К.Волков вĕрентекенсен ĕçĕсене тивĕçлипе хакларĕ. Семинар темипе географи вĕрентекенĕсен республика ассоциацийĕн ертÿçи Г.П.Пякшина тата семинара хутшăнакансем хăйсемпе пĕрле ĕçлекен вĕрентекенсен ĕçĕсемпе паллашрĕç. Презентаци евĕр йĕркеленĕ курав пурне те кăмăла кайрĕ.