Юлашки вăхăтра Элĕк тăрăхĕ çĕнелсе ешернине курма кăмăллă. Чи пĕлтерĕшли - çак ĕçе халăха явăçтарни. Тирпей-илем кÿрессипе те районта тĕллевлĕ ĕçленине палăртмалла. Кăçал кăна ирĕк памасăр уçнă 115 вырăна пĕтернĕ. Пĕтĕмпе çу кунĕсенче 277 тонна ытла çÿп-çапа пуçтарнă. Йывăç лартас ĕçре те Элĕксем хастар. Çуркуннепе кĕркуннехи тапхăрта 9404 хунавпа 2955 тĕм лартнă. Халĕ вĕсене тĕрĕс-тĕкел ÿстерессишĕн тăрăшаççĕ.