«Новый путь» хуçалăхра машина-трактор паркĕсен хăватне ÿстерсех пыма тăрăшаççĕ. Ăнăçлăхĕ, паллах, техникăна çĕнетнинчен нумай килет. Юлашки пилĕк çулта кăна хуçалăхра çĕнĕрен 9 единица хушăннă, çав шутра тракторсем, комбайнсем те. Çак кунсенче кăна ял хуçалăх предприятийĕ çĕнĕ «Беларусь-82» тракторсене иккĕ илсе килнĕ.

Ял хуçалăх машинисем те, тĕпрен илсен, çĕнетсех пынисем. Паянхи куна илсен, машина-трактор паркĕнче пĕтĕмпе техника 66 единица шутланать. Тракторсемпе машинăсене, кăкарса ĕçлемелли техникăна юсама, упрама условисене лайăхлатсах пыраççĕ. Чăваш Сурăмĕнчи паркра ăшă гараж турĕç. Мăн Шĕвĕшре, Юлăшра та ĕçсем хĕрсех пычĕç.