Иртнĕ çул пирĕн район территорийĕнче 198 преступление регистрациленĕ. Çакă 2009 çулхинчен 12,8 процент сахалтарах, çав çул 227 преступление шута илнĕ.

Пĕлтĕр уйрăмах йывăр 3 преступлени тунине тупса палăртнă, виçĕмçул ун пеккисем 2 пулнă. Йывăр преступленисем 16,3 процентран 14,6 процента çити чакнă. Шел пулин те, вăтам шутланакан преступленисен шучĕ кăштах ÿснĕ: иртнĕ çул – 52, виçĕмçул – 50. Çăмăлтарах преступленисем пĕлтĕр 114 пулнă, 2009 çулта – 138.

Виçĕмçул ют пурлăха вăрланă 89 тĕслĕхе шута илнĕ, 2010 çулта – 72. Хваттерсене (кил-çуртсене) кĕрсе çаратни 11 хутчен пулнă.

Экономика преступленийĕсем виçĕмçул 43 пулнă пулсан, иртнĕ çул – 40. Пĕлтĕр те, виçĕмçул та çын вĕлернĕ 1-ер тĕслĕхе тупса палăртнă, çаратни-вăрлани 2009 çулта – 7, 2010 çулта 4 тĕслĕх пулнă.