Элĕк ял тăрăхĕнчи ветерансен шкулĕ занятисене графикпа килĕшÿллĕн ирттерет. «Айтăр-ха, асаттесем!», «Айтăр-ха, асаннесем!» конкурссем йĕркелерĕмĕр. Сăмахран, арçынсем çĕр улмие питĕ çÿхен шуратассишĕн, хĕрарăмсем картана тĕплĕ юсассишĕн тăрăшнине пăхма питех те интереслĕ пулчĕ.

Çĕр ĕçченĕсен ячĕпе иртнĕ «урока» РФ Ял хуçалăх центрĕн Элĕкри уйрăмĕн специалисчĕ Надежда Прохорова тата Владимир Журавлев фермер хутшăнчĕç. Вĕсем çĕр улми сорчĕсемпе паллаштарчĕç.

Мартăн 29-мĕшĕнче районти тĕп больница врач-окулисчĕ Татьяна Федорова пулчĕ. Вăл çулланнисене глаукома чирĕ çинчен каласа кăтартрĕ. Çавăн пекех занятире Чăваш Сурăмĕнчи пуканесен театрĕн ĕçĕ-хĕлĕпе паллашрăмăр. Ватăсем «уроксем» хыççăн çĕнĕ юрăсем вĕренеççĕ, юрлаççĕ те.