2011 çулхи ака уйăхĕн 16-мĕшĕнче Чăваш Республикин вĕрентÿ институтĕнче наци культурин «Туслăх хĕлхемĕ» республика фестивалĕ иртрĕ. Тĕллевĕ чи пултаруллисемпе тавçăруллисене палăртасси пулчĕ.

Конкурса 59 ача хутшăнчĕ. Вĕсем номинацие кура 3 ушкăна уйрăлчĕç. Пĕрремĕш ушкăнри ачасем «Чăвашлăх тĕнчи» номинацире  мультимеди презентацийĕсем кăтартрĕç. Иккĕмĕш ушкăн «Çăлтăрчăк» номинацире хăйĕн пултарулăхне тĕрĕслерĕ. Виççĕмĕш ушкăна «Шевле» номанаци пĕрлештерчĕ.

Элĕк районĕн чысне Юнтапари пĕтĕмĕшле пĕлÿ паракан вăтам шкулта вĕренекенсем хÿтĕлерĕç. «Чăвашлăх тĕнчи» номинацире «Ухсай Яккăвĕ калăпланă çын тата çутçанталăк сăнарĕсем» презентацие хÿтĕлесе 7-мĕш класра вĕренекен Евгений Павлов 2-мĕш вырăн, «Шевле» номинацире 9-мĕш класра вĕренекен Татьяна Федорова 3 вырăн çĕнсе илме пултарчĕç.