Вĕрентÿ учрежденийĕсен мĕн пур коллективĕсем иккĕмĕш çул ĕнтĕ хăйсен «Вĕрентÿ кунĕ» уява туслăн пухăнчĕç.

Активлă канăва юратакансем Смородино вăрманĕн хитре уçланкине суйласа илчĕç. Çакăнта кашниех хăйне килĕшекеннине тупма пултарчĕ. Пĕрисем ĕçтешĕсемпе шашкăлла вылярĕç, теприсем хаваслă стартсене хутшăнчĕç, мишене перекенсем, юрласа ташлакансем те пулчĕç. Администраци тата вĕрентÿ ĕçченĕсен мини-футбол вăййи иртрĕ. Пултарулăх конкурсĕсем те тыткăнларĕç.

Район пуçлăхĕ В.Дубинин тата район администрацийĕн пуçлăхĕ Л.Читнаев вĕрентÿ ĕçченĕсене ăшшăн саламларĕç, ăнăçу сунчĕç. Лайăх ĕçлекенсене район администрацийĕн тата вĕрентÿ пайĕн хисеп грамотисене парса чысларĕç.