Нумай ачаллă çемьесене çĕрпе тивĕçтерессипе Чăваш Республикин Президенчĕ М.Игнатьев ятарлă Указ кăларнă. Çак тĕллеве пурнăçа кĕртессипе пирĕн районта та ĕçсем ăнăçлă пыраççĕ.

Районта пурĕ 301 çемье нумай ачаллă шутланать. Вĕсенчен 18-шĕ тÿлевсĕр çĕр илме учета тăнă. Çĕр участокĕсене кил-çурт çавăрма, дача евĕр усă курма тата килти хушма хуçалăха аталантарма параççĕ. Паянхи кун районта пĕр çемьене çĕрпе тивĕçтернĕ.