2011 çулхи культура тата архив ĕçĕсенчи çамрăк специалистсен республикăри конкурсĕ вĕçленнĕ. Унта хутшăннисем положенипе килĕшÿллĕн конкурса автор проекчĕсене тăратнă. Вĕсене инноваци, пултарулăх, тема ку чухнехи пурнăçпа тачă çыхăннине, проекта пурнăçа кĕртме май пуррине кура хакланă.

Конкурс итогĕсемпе культура тытăмĕнчи икĕ çамрăк специалист лауреат ятне илнĕ. Элĕкри культурăпа кану центрĕнчи Иван Никифоров сасă режиссерĕ «Молодежное объединение Данс-клуб» ĕçĕшĕн иккĕмĕш степенлĕ лауреат ятне тивĕçнĕ.

Татьяна Мясникова, тĕп библиотекăри методикăпа библиографи уйрăмĕн библиографĕ «Библиотека – церковь: пĕр-пĕринпе çыхăнни» программăна хÿтĕлесе, виççĕмĕш степенлĕ лауреат пулса тăнă.