Ĕçчен алăра ĕç вĕрет
Вырма – кĕрхи чи яваплă тапхăр. Çакна аван ăнланать Анатолий Петрович Семенов ертÿçĕ. Шĕмшеш хуçалăхĕнче ĕç-хĕле пĕрремĕш çул кăна йĕркелесе пырать пулин те, малалла çирĕп утăмсемпе утать. Кунсерен йĕтем çинче, уй-хирте те пулать. Эпир Анатолий Семенова кантурта тĕл пултăмăр. Техника юсавлă-и, рабочисем вырăнта-и, çанталăкĕ улшăнмасть-и, пур ыйту та канăç памасть ертÿçĕне.Çавăн пекех çамрăк агрономпа та калаçма май тупрăмăр. Вăл та ĕç вырăнĕнчехчĕ.
– Çумăр çунăран уй-хирти тыр-пула пухса кĕртесси вăраха тăсăлчĕ кăçал, – каласа парать А.Семенов.
– Вăхăтра тăрăшсан, кунсерен тар кăларсан, ĕçлени те сая каймĕ, – хутшăнчĕ калаçăва Владислав Тарасов агроном.
– Кăçал утă-улăм та, тыр-пул та ăнса пулчĕ, – терĕ Анатолий Петрович.
Вăл каланă тăрăх, 164 тонна тырă складсене вырнаçтарнă. Кĕр тыррисем пысăкрах тухăç панине шута илсе акма çĕре пĕлтĕрхинчен те ытларах хатĕрленĕ. Кĕрхи культурăсене
Чи пултаруллă ĕçлекенсенчен пĕри – Анатолий Политров. Вăл курăка çулнă, пресланă. Ир пуçласа каçчен уй-хирте тăрăшать.
Кăçал хуçалăх çĕнĕ МТЗ-82 трактор туяннă. Ытти агрегатсене те илме вăй çитернĕ. Икĕ косилка, кĕрепле, дисклă агрегат хутшăннă паркра.