Юлашки çулсенче «Агропромышленность аталанăвĕ» наци проекчĕпе килĕшÿллĕн çамрăк специалистсене (вĕсен çемйисене) пурăнмалли çурт-йĕрпе тивĕçтерме федераллă бюджетран 5,6 миллион тенкĕ уйăрнă. 31 çамрăк çемьепе специалиста çурт-йĕрпе тивĕçтернĕ.

2010 çулта Ураскилт ял тăрăхĕнче «Золотое руно» агрофирма» ĕçлеме пуçланă.

Юлашки виçĕ çулта районти ял хуçалăх техникин паркĕсене 91,7 миллион тенкĕлĕх çĕнетнĕ. Çĕнĕрен 97 единица техника туяннă.

«Вĕрентÿ» наци проекчĕпе килĕшÿллĕн пур шкулсене те пысăк хăвăртлăхлă Интернет каналĕпе çыхăнтарнă. 17 автобуспа кулленех 72 ялтан 731 шкул ачине турттараççĕ.