Çĕнĕ çул елкинче савăнчĕç
Элĕкри вăтам шкулта район администрацийĕн пуçлăхĕн Çĕнĕ çул елки иртрĕ. Уява вĕренÿре ĕлкĕрсе пыракан 65 ача пуçтарăнчĕ. Çакăн пек чыса вĕсем районти тата республикăри тĕрлĕ предметсен олимпиадисенче, спорт ăмăртăвĕсенче çĕнтернипе, шкул пурнăçне хастар хутшăннипе тивĕçнĕ.
Пултаруллă та талантлă ачасем умĕнче Чăваш Республикин Патшалăх Канашĕн депутачĕ Владимир Мидуков тата район администрацийĕн пуçлăхĕн тивĕçĕсене вăхăтлăха пурнăçлакан Эдуард Николаев калаçрĕç. Вĕренекенсене вĕсем çывхарса килекен Çĕнĕ 2012 çул ячĕпе саламларĕç.
"Пурнăç çулĕпе" Аликовская районная газета