Халăха - нумай енлĕ пулăшу
Районти архивра граждансенчен социаллă пурнăçпа право ыйтăвĕсемпе килекен çырусем çулсерен нумайланса пыраççĕ. Юлашки пилĕк çулта кăна ун пек ыйтусен хисепĕ 6 хут ÿснĕ.
Иртнĕ çул Элĕкри муниципалитет архивне 1251 ыйту пынă, пурне те тивĕçтернĕ, вĕсенчен 1158-шне ăнăçлă татса панă. Граждансен мĕнпур ыйтăвĕсене вăхăтра та пахалăхлă тивĕçтернĕ. Тематика темипе 228 ыйту пулнă. Справкăсем хатĕрлессипе çынсенчен те, организацисенчен те çăхавсемпе пăшăрханусем пулман.
Архивра 4 тишкерÿçĕ ĕçленĕ. Вĕсем район архивĕн историйĕпе паллаштаракан кĕнеке хатĕрлемелли, район энциклопедине кăлармалли документсене, диплом ĕçĕсене тишкернĕ.
"Пурнăç çулĕпе" Аликовская районная газета