Шĕмшеш салинче Хĕл ăсатăвĕ иртрĕ. Уявра çынсем юрласа та ташласа савăнчĕç. Спорт ăмăртăвĕсем çивĕч пулчĕç. Хĕрарăмсен икĕ команди футболла вылярĕç. Кунта Шĕмшеш чиперукĕсем çĕнтерÿçĕ пулса тăчĕç, иккĕмĕш вырăнта – Ишпарайкка команди. Пăшалтан тĕл перессипе Шĕмшеш шкулĕнчи 11 класра вĕренекен Виктория Платонова пуринчен нумайрах очко пухрĕ. Дротик ывăтассипе Ишпарайккăри Надежда Николаевăна çитекенни пулмарĕ.

Хĕл ăсатăвĕн уявĕнче капăрлатнă лашасемпе хаваслă ача-пăчана катаччи ярăнтарчĕç. Хăнасене «Михалыч патĕнче» магазинта ăшă икерчĕпе, вĕри чейпе сăйларĕç.