Харпăр хăй хушма хуçалăхне тытса пыракансем çăмăллăхлă кредитпа ытларах та ытларах усă кураççĕ. Ку енĕпе ял çыннине «АПК аталанăвĕ» наци проекчĕ самай пысăк пулăшу парать. Унпа усă курса чылайăшĕ çăмăллăх кредичĕсене йĕркелеççĕ. Акă кăçалхи икĕ уйăхра кăна Чăваш Сурăм ял тăрăхĕнчи кил хуçисем 1 миллион та 125 пин тенкĕлĕх кредит илнĕ. Çак шутран 3 кредичĕ Раççей Перекет банкĕн Элĕкри уйрăмĕ урлă – 375 пин тенкĕ. Тепĕр виçĕ кредичĕ – Раççей ял хуçалăх банкĕнчен (750 пин тенкĕ).