Кивуйри Сергей Волков хресчен-фермер çурхи ака-суха ĕçĕсенче ырă тĕслĕх кăтартать. Вăл ертсе пынипе çурхи тĕш тырă культурисене 140 гектар çине вăхăтра, лайăх пахалăхпа акса хăварнă. Уйрăммăн илсен, çурхи тулă 55 гектар, урпа – 70, пăрçа йышши культурăсене 15 гектар акнă.

Хуçалăхра çĕр улмие 540 гектар лартма палăртнă. Ку ĕçе те лайăх йĕркеленĕ. Вăрлăха яровизациленĕ. Ăна лартнă çĕрте агрегатсем пĕр тикĕс ĕçлеççĕ. Вĕсем хыççăн тÿп-тÿрĕ касăсем пулса юлаççĕ. Çĕр улми уйĕнчи ĕçсем юлашки гектар çине куçнă.