Ытларах çуралнă
Район администрацийĕн ЗАГС пайĕ иртнĕ пилĕк уйăхра граждансен пурнăçĕпе çыхăннă 297 акт çырнă. Çав тапхăрта пурĕ 92 ача çуралнă. Çакă, пĕлтĕрхи çав тапхăртипе танлаштарсан, 20 пепке ытларах. Çут тĕнчене 52 арçын ача тата 40 хĕрача килнĕ. 38 çемьере пĕрремĕш ача, 24-шĕ – иккĕмĕш, 20 çемьере – виççĕмĕш, 5 çемьере – тăваттăмĕш, 4 çемьере – пиллĕкмĕш, 1 çемьере – улттăмĕш тĕпренчĕксем хушăннă.
146 çын пурнăçпа ĕмĕрлĕхех сывпуллашнă, урăхла каласан, пĕлтĕрхинчен 15 çын сахалтарах вилнĕ. Уйрăммăн илсен, 76 арçын, 70 хĕрарăм çут тĕнчерен уйрăлнă. Арçынсен ĕмĕрĕ 60 çулпа, хĕрарăмсен 77 çулпа танлашни палăрчĕ.
"Пурнăç çулĕпе" Аликовская районная газета