Чăваш Сурăмĕнчи Евгений Ефимов учитель Раççей историйĕн çулталăкне халалласа «Манăн несĕл йывăçĕ» конкурс йĕркеленĕ. Шăпăрлансем 32 ĕç тăратнă. Çĕнтерÿçĕсене виçĕ ушкăнпа палăртнă. 1-4 мĕш классен йышĕнче Чăваш Сурăм шкулĕнчи Анастассия Александрова пĕрремĕш вырăна тивĕçнĕ. 5-7-мĕш классен ушкăнĕнче малти вырăна Оксана Романовăн ĕçĕ йышăннă. 8-11 мĕш классен ушкăнĕнче Галина Арсентьева пĕрремĕш вырăна тухнă.

– Ачасем ĕçсене кашни хăйне евĕр хатĕрленĕ. Йăхĕнчи тăванĕсене хĕвелпе, пан улмисемпе, хăмпăсемпе палăртнă. Вĕренекенсен тавра курăмĕ анлă пулни сисĕнчĕ, – терĕ Евгений Львович.

Вăл çитес вĕренÿ çулĕнче те çĕнĕ конкурс йĕркелесшĕн.