Çу кунĕсем – сĕт сăвассине ÿстермелли чи лайăх вăхăт. Районти хуçалăхсенче çавна тĕпе хурса ĕçлеççĕ те. «Новый путь» хуçалăхри фермăсенчи ĕнесем авă талăкĕпех ешĕл курăк çинче. Выльăхсене улăх-çаран çинче кĕтессине лайăх йĕркеленĕ.

Чăваш Сурăмĕнчи, Шĕвĕшри, Юлăшри фермăсенче сăвăм ÿссех пырать. Кашни ĕнерен сĕт сăвасси вăтамран 22 килогрампа танлашать. «Рабия», Ульянов ячĕллĕ, «Агромир» хуçалăхсен кăтартăвĕсем те лайăх.