Кăрлач-çĕртме уйăхĕсенче Элĕк районĕнче 101 çын çуралнă, 175-ĕн вилнĕ. Çут тĕнчерен уйрăлнисен шучĕ çуралнисенчен 73,2 процент нумайрах. 2012 çулхи çур çулта 35 çĕнĕ çемье чăмăртаннă, пĕлтĕрхи çак тапхăртипе танлаштарсан, туйсен шучĕ 36,4 процент сахалрах пулнă. Çав вăхăтрах мăшăрсем пĕр-пĕринчен уйрăлнă 27 тĕслĕх регистрациленĕ.

2012 çулхи утă уйăхĕн пĕрремĕшĕ тĕлне ĕçсĕррисем 43 çын шутланаççĕ. Пĕлтĕрхипе танлаштарсан 35 çын сахалрах. Районта ĕçлеме пултаракансен пĕтĕмĕшле йышăнчен ĕçсĕррисен шучĕ 0,44 процентпа танлашать.