Хула кунĕ умĕн «Спартак» стадионта Туслăх кубокне илессишĕн йăлана кĕнĕ ăмăртусем иртнĕ. Спорта юратакансем мини-футболла, волейболла вылянă, вĕрен туртнă.

Чăваш Енри 22 ентешлĕх спортсменĕсем Шупашкар хула пуçлăхĕн тĕп парнине - куçса çÿрекен Кубока - тивĕçессишĕн вăй виçнĕ. Хĕрÿ тупăшура Элĕк ентешлĕхĕ çĕнтернĕ. Канашпа Муркаш ентешлĕхĕсем иккĕмĕшпе виççĕмĕш вырăнсене пайланă. Мала тухакансене спорт хатĕрĕсем туянма 50, 40 тата 30 пин тенкĕлĕх сертификатсем, медальсемпе дипломсем панă.