Кăçал пирĕн района йĕркеленĕренпе 85 çул çитрĕ. Юбилей ячĕпе кашни вулавăшрах района туса хунине тата Элĕк Ен аталанăвне, паллă ентешсене халалланă мероприятисем иртеççĕ: уçă алăксен кунĕсем, конкурссемпе вăйăсем, информаци сехечĕсем, культура ĕçченĕсемпе йĕркеленĕ тĕлпулусем тата ытти те. Элĕкри тĕп вулавăшра «Района – 85 çул» кĕнекепе иллюстраци куравĕ ĕçлет. Вăл район историйĕпе, тĕрлĕ отрасльсен, экономика, суту-илÿ, сывлăха сыхлас ĕç, вĕренÿ, культура аталанăвĕпе паллаштарать. Вулав залĕнче «Манăн пĕчĕк тăван çĕршыв Раççей историйĕн шăпинче» курав презентацийĕ иртнĕ. Мероприяти тĕлне «Район историйĕн кăсăклă факчĕсем» информ-досье хатĕрлесе кăларнă, унта тăван районпа çыхăннă паллă самантсене сăнланă.