Çĕнĕ Шупашкарти виççĕмĕш номерлĕ ачасемпе çамрăксен Олимп резервĕсен спорт шкулĕн комплексĕнче çу уйăхĕн вун саккăрмĕшĕнче Чăваш Республикинчи влаç органĕсенче тата вырăнти хăй тытăмлăхĕнче ĕçлекенсен Спартакиади иртнĕ. Патшалăхăн тата республикăн мĕн-пур районĕсенчи муниципалитет служащийĕсем сĕтелçи теннисне вылянă, шахмăтпа шашка вăййисене хутшăннă. Элĕк район администрацийĕн ĕçсен управляющийĕ З.П.Федоров шахмăтçăсен турнирĕнче палăрнă. Тăхăр çын хушшинче вăл пĕрремĕш вырăна тухнă.