Çу кунĕсенче социаллă хÿтлĕх пайĕ тивĕçтернĕ путевкăсемпе 55 ача канасси паллă ĕнтĕ. Çĕртме уйăхĕн пĕрремĕшĕнчен çула çитмен 11 çамрăк «Чайка», «Салют», «Белые камни» , «Соснячок» лагерьсенче сывлăхĕсене çирĕплетĕç. Вĕсенчен тăххăрăшĕ путевкăсен 5 процентне тÿленĕ пулсан иккĕшĕ, нумай ачаллă çемьесенче ÿснĕрен, тÿлевсĕр канĕç.

Çу кунĕсенче 6-17 çулхисем Çĕрпÿ районĕнчи «Звездный», Шупашкарти «Утес», Муркашри «Солнышко», Етĕрнери «Родничок» сиплев лагерĕсенче вăхăта усăллă та интереслĕ ирттерĕç.