Краснодар тăрăхĕнчи Темрюк хулинче пĕтĕм тĕнчери фольклор фестивалĕ уçăлнă. Вăл «Ăрусен кĕвви-сасси» ятпа иртет. Кунта чăваш халăхăн ĕмĕртен ĕмĕре куçса пыракан йăли-йĕркисене кăтартса пама Элĕкри культурăпа кану центрĕнчи «Валинке» «Вăйă, йăла-йĕрке программисем» тата «Фольклор ансамблĕ» номинацисенче хăйĕн пултарулăхне кăтартать. Ентешсен программинче – туй юрри-ташшисем, хĕр çураçса качча панисем, çавăн пекех пирĕн тăрăхри халăх юррисем.

Конкурс пынă кунсенче вĕренÿпе творчество мероприятийĕсем те иртĕç.