Ăратлă выльăхсемпе ĕçлекен «Чувашское» уçă акционерлă обществăра республикăри выльăх-чĕрлĕх куравĕ иртнĕ. Кăçал унта чи лайăх ăратсене кăтартнă. «Симес-Раша» тулли мар яваплă обществăн тĕп зоотехник-селекционерĕ Лариса Коваль эксперт сăвакан ĕнесене экстерьерпа хакланă. Мĕншĕн тесен выльăхсен кĕлеткипе шалти органĕсем сĕт тухăçлăхĕ мĕнлерех пулассипе тачă çыхăннă. Эксперт 15-18 уйăхсенчи хура-ула тĕслĕ 20 ĕнерен 3-шне суйласа илнĕ. Çавсенчен пирĕн районти «Новый путь» хуçалăхри ĕне иккĕмĕш вырăна тивĕçнĕ. Çитĕнсе çитнисем хушшинче çак хуçалăхри «Тюльпанка» виççĕмĕш вырăна йышăннă.