РФ спорт министрĕ Виталий Мутко физкультурăпа спорта аталантарас ĕçре пысăк тÿпе хывнă тренерсен ушкăнне патшалăх наградисене панă.

Сумлă наградăсене илнисен йышĕнче Чăваш Енри паллă çынсем те пур. Вĕсенчен пĕри – пирĕн районти Яккушкăнь ялĕнче çуралса ÿснĕ СССР тава тивĕçлĕ тренерĕ, ЧР физкультурăпа спортăн тава тивĕçлĕ ĕçченĕ Михаил Кузнецов. РФ Президенчĕн Владимир Путинăн Указĕпе килĕшÿллĕн ăна Туслăх орденĕпе наградăланă. Михаил Павлович – Лондонри Олимп вăййисен чемпионкин Юлия Зариповăн (Тутар Республики) тата бронза призерĕн Татьяна Архиповăн (Вăрмар районĕ) тренерĕ.