Районти тĕп вулавăшра савăнăçлă каç – студентсемпе мĕн пур Татьянăсен уявĕ иртнĕ. А. Егорова библиотекарь ĕнерхи шкул ачисем – паянхи студентсем валли «Ырă сунатпăр, студентсем!» хаваслă та илĕртÿллĕ программа хатĕрленĕ. Библиотекарьсем уява халалланă слайд куравĕсене кăтартнă.

Вулавăша пынисене «Чăнахах çав Татьяна-ши;» курав хăйĕн патне туртнă, унта Татьяна ятлă çыравçăсен тата ытти писательсен кĕнекисене вырнаçтарнă. Кунтах Татьяна ятлă паллă артистсем, юрăçсем тата ытти ятлă-сумлă çынсем çинчен пĕлме пулать. Çак кун вулавăшра литература конкурсĕ те иртнĕ, Татьянăсемпе студентсене халланă юрăсемпе сăвăсем янăранă. Медицина факультетĕнче вĕренекен И.Егорова студент пулма пĕртте çăмăл марри çинчен каласа панă.