Тăвăш Юнтапа клубĕн ĕçченĕсем тата хĕрарăмсен, çамрăксен канашĕсен хастарĕсем хамăр районти Изванка, Тавăт, Хирлеппуç, çавăн пекех кÿршĕллĕ Вăрнар районĕнчи Хăмăш, Чăрăш Хирлеп, Кушар Юнтапа, Ярмушка тата ытти ялсенче пурăнакансене хаваслă концертпа савăнтарнă.

Ялти клуб заведующийĕнче Владислав Герасимов ĕçлет. Концерт программине ăста йĕркелеме пĕлет вăл. Программăн тĕп жанрĕ - «Çутă ĕмĕт» эстрада ансамблĕн юрри-ташшисем. Галина Краснова, Марина Герасимова, Снежанна Александрова, Светлана Никонова, Ирина Тимофеева тата ыттисем юрланине пурте алă çупса йышăнаççĕ.

Тăвăш маттурĕсем концерт программине малашне те çĕнетсе пыраççĕ.