Пултаруллă педагогсене тупса палăртас, вĕсене хавхалантарас тата пулăшас, шкул çулне çитменнисен учрежденийĕсенче тăрăшакан воспитательсен ĕçне хаклас тĕллевпе «Чăваш Енĕн çулталăк воспитателĕ - 2015» республикăри конкурсăн муниципалитет тапхăрĕ иртрĕ. Конкурса хутшăнакансем хăйсен пултарулăхне тĕрлĕ енлĕ уçса пачĕç. Воспитательсем хăйсен ĕçне чунтан юратнине кăтартрĕç.

Конкурс пĕтĕмлетĕвĕ тăрăх, Элĕкри «Хĕвел» ача сачĕн воспитателĕ Светлана Трофимова çĕнтерÿçĕ пулса тăчĕ. Иккĕмĕш вырăна «Çăлкуç» ача садĕнчи Светлана Петровăпа Тавăтри «Пучах» ача садĕнчи Алина Комиссарова тивĕçрĕç. «Çăлкуç» ача садĕнчи Вероника Иванова виççĕмĕш вырăна тухрĕ. Республикăри конкурсра пирĕн район чысне Светлана Трофимова хÿтĕлĕ.