Апрелĕн 24-мĕшĕнче Элĕкри «Хĕлхем» ачасемпе çамрăксен спорт шкулĕнче Шĕмшешре çуралса ÿснĕ ЧР шалти ĕçсен министерствин ОМОНра служба ирттернĕ Борис Казакова асăнса мини-футбол турнирĕ иртрĕ. Асăннă мероприятие унăн ĕçтешĕсемпе тусĕсем, амăшĕ - Евдокия Григорьевна, Марина аппăшĕ те килнĕ.

Турнирта Ишпарайка, ЧР ШĔМин ОМОН, Муркаш районĕн, Элĕк райповĕн, Шĕмшешри «Спарта», ШĔМин ОМОН ветеранĕсен, Шĕмшешри вăтам шкул командисем вăй виçрĕç. Элĕк райповĕн команди вăйăсенче çивĕчлĕхпе палăрчĕ, 1-мĕш вырăна тухса куçса çÿрекен Кубока иккĕмĕш çул хăйсенчех хăварчĕ. Чи лайăх вăйăçă ята асăннă командăра вылякан Эрик Вонифатьев тивĕçрĕ.