Апрелĕн 18-мĕшĕнче республикăри культурăпа пултарулăх Керменĕнче фестивальсен, смотр-конкурссен пĕтĕмлетĕвĕ пулчĕ. Унта пирĕн районти ветерансен халăх хорĕ «Хор коллективĕ» номинацире палăрчĕ, диплома тивĕçрĕ. «Централизациленĕ клуб тытăмĕ» çумĕнчи «Орлята» пĕрлешÿ виççĕмĕш вырăна тивĕçрĕ. Элĕкри «Валинке» (ертÿçи - С. Соколова) тата Çирĕккассинчи «Ахпай» (ертÿçи - В. Никитина) фольклор ушкăнĕсен, Сергей Иванов, Владислав Герасимов пултарулăхне те пысăк хак пачĕç, дипломсемпе чысларĕç. «Ташша яра пар» фестиваль-конкурсра Элĕкри «Рябинушка» халăх ташшисен ансамблĕ те пултарулăхĕпе савăнтарчĕ.

Элĕксене фестивальтен тăхăр дипломпа таврăнни малашне те тулли кăмăлпа ĕçлеме май парĕ.