Çынна ырă туни каялла таврăнать теççĕ. «Ачалăх ячĕпе, ачалăхшăн» ыркăмăллăх марафонне хутшăнакансем те çын хуйхи-суйхине ăнланма, йывăр лару-тăрăва лекнĕ ачасене пулăшма тăрăшаççĕ.

Пирĕн район çыннисем те марафон енчĕкне кулленех укçа-тенкĕ хываççĕ. Ураскилт вăтам шкулĕнче вĕренекенсем ку тĕлĕшпе аякра юлмарĕç, 5600 тенкĕ пухса марафон счечĕ çине куçарчĕç. Паянхи кун тĕлне район çыннисем 173444 тенкĕ хывнă. Ку сăваплă ĕç малалла пырать.