Йыш хушăнни - телей
Июлĕн 8-мĕшĕнче - Çемье, юратупа шанчăхлăх кунĕнче - район администрацийĕн ЗАГС пайĕнче икĕ хĕр ача çуралнине регистрацилерĕмĕр.
Чăваш Сурăм салинчи Никодим Васильевичпа Людмила Ревленовна Федотовсен çемйинче хĕр пĕрчи кун çути курчĕ. Ăна ашшĕ-амăшĕ Ника ят пачĕç. Ника - çемьери иккĕмĕш ача.
Павлушкăнь ялĕнчи Галицкинсен çемйине те «телей кайăкĕ» вĕçсе кĕнĕ. Çемьери пиллĕкмĕш ачана - пĕчĕк хĕре Александра тесе чĕнме кăмăл турĕç.
Районти ЗАГС пайĕн ĕçченĕсем ашшĕ-амăшне ача çуралнă ятпа ăшшăн саламларăмăр, пепкен пĕрремĕш документне - çурални çинчен калакан свидетельствăна патăмăр.
"Пурнăç çулĕпе" Аликовская районная газета