Шкул çумĕнчи лагерьсенче физкультурăпа спорта аталантарас, вĕренекенсене сывă пурнăç йĕркине хăнăхтарас тĕллевпе Чăваш Республикинче 10 çул ĕнтĕ шкул ачисен Спартакиадине ирттереççĕ.

Ку пысăк мероприятие 2001 çулта çуралнисем, вĕсенчен çамрăкраххисем те хутшăннă. Спартакиада тĕрлĕ енлĕ иртнĕ - çăмăл атлетика эстафета чупăвĕ, пионербол, мини-футбол, канатпа туртăнасси, шашка-шахмат енĕпе. Шкул ачисен Х Спартакиадин чи лайăх 5 лагерĕ шутне Элĕк вăтам шкулĕнчи «Хĕвел» те кĕнĕ.